Навучанне
Асноўнай мэтай навучання кадраў Мінскага трактарнага завода з'яўляецца забеспячэнне вытворчасці высокакваліфікаваным персаналам, здольным вырабіць высакаякасную і канкурэнтаздольную прадукцыю.
Для вырашэння задач падрыхтоўкі кадраў на ААТ "МТЗ" існуе і эфектыўна функцыянуе сістэма прафесійнага навучання. Пытанні навучання работнікаў прадпрыемства курыруе Аддзел падрыхтоўкі кадраў Упраўлення кадраў.
Навучанне ажыццяўляецца на падставе зацверджанага на год Комплекснага плана работы з кадрамі і ў адпаведнасці з патрабаваннямі Кодэкса Рэспублікі Беларусь аб адукацыі.
Навучанне работнікаў прадпрыемства ажыццяўляецца як на вытворчасці, так і ва ўстановах адукацыі. ААТ "МТЗ" плённа супрацоўнічае з многімі ўстановамі адукацыі Мінска і Рэспублікі Беларусь.
Для навучання на вытворчасці рабочых і спецыялістаў Аддзел падрыхтоўкі кадраў Упраўлення кадраў валодае адпаведнай матэрыяльна-тэхнічнай базай, у якую ўваходзяць вучэбныя аўдыторыі, аснашчаныя неабходным абсталяваннем, тэхнічнымі сродкамі навучання, навучальнымі нагляднымі дапаможнікамі.
На ААТ "МТЗ" рэалізуюцца наступныя адукацыйныя праграмы:
- прафесійнай падрыхтоўкі рабочых;
- перападрыхтоўкі рабочых;
- павышэння кваліфікацыі рабочых;
- навучальных курсаў (семінары, трэнінгі і да т.п. ва ўстановах адукацыі);
- навучання ў арганізацыі кіруючых работнікаў, спецыялістаў і рабочых з мэтай комплекснага вывучэння пытанняў сучаснай эканомікі, новай тэхнікі і тэхналогій, перадавога вопыту і іншых пытанняў;
- павышэння кваліфікацыі і перападрыхтоўкі кіруючых работнікаў і спецыялістаў ва ўстановах адукацыі;
- стажыроўкі кіруючых работнікаў і спецыялістаў.
Прафесійная падрыхтоўка (перападрыхтоўка) і павышэнне кваліфікацыі рабочых прадпрыемства ажыццяўляецца па наяўных на ААТ "МТЗ" прафесіях механапрацоўкі, металапакрыцця і афарбоўкі, слясарна-зборачных работ, ліцейнай вытворчасці і інш.
Філіял «Каледж сучасных тэхналогій у машынабудаванні і аўтасэрвісе» ўстановы адукацыі "Рэспубліканскі інстытут прафесійнай адукацыі" запрашае на навучанне з магчымасцю далейшага працаўладкавання на ААТ "МТЗ" пасля заканчэння навучання па некаторых спецыяльнасцях.